Vaccata
Avatar AverageFurlanGroup
AverageFurlanGrouplivello 7
24 Luglio 2021 - 5.460 visualizzazioni
Chiedo scusa, ma per far esercitare il nostro amico StrongerThanTime, posteremo la traduzione, se necessario, dopo la sua... Grazie per la vostra pazienza... 🤗😊


IL CJALIÂR
Une figure di paîs une vore carateristiche e jere chê dal Cjaliâr, une persone che e faseve un mistîr a servizi da la int. In chei agns, massime subit dopo la vuere, vê lis scarpis di corean e jere diventade una necessitât, soredut par lâ a lavorâ e duncje a tocjave tignîlis da cont e fâ in mût che a durassin plui a lunc pussibil. E par cheste necessitât e je vignude fûr la figure dal Cjaliâr a dâ une man a ducj chei che si cjatavin cu lis scarpis rotis o cui scarpons par lâ intal bosc di suelâ, pes feminis cui tacs fruiâts che a fasevin un fracàs dal diaul o cu lis scarputis dal frutin cu la buse inte suele. E lui si meteve a l'opere, al cambiave i tacs, al cusive lis Tomeris scusidis e al cambiave lis suelis intes scarpis cu lis busîs sot vie… e al rapeҁave i scarpons che a duravin ancjemò 3-4 agns, A dut al dave une lustradine cun chê patine che al veve dome lui e vadì che lis scarpis vecjis a someavin plui gnovis di prime. L'unich probleme al jere che il Cjaliâr al vuadagnave pôc e al scugnive, par tirâ; indenant la famee, fâ ancje un altri lavôr se no al jere tant puar che i àn dedicât ancje una cjanҁonute.
Il CJALIÂR
Se jo vês di maridâmi
un cjalâr no cjolarês
Giulieta, e hop!
sassai Nineta,
un cjalâr no cjolarês

Lui l'è bon di bati suelis
e ancje me mi batarês
Giulieta, e hop!
sassai Nineta,
e ancje me mi batarês

Cun chei cuatri ch'al guadagne
nol mantên nancje un poleç
Giulieta, e hop!
sassai Nineta,
nol mantên nancje un poleç
Leggi tutto...
 Stime: 8
 Commenti: 54
  •  Ti stimo
  •  Link
  •  Salva
Friuli Lingua friulana Canzoni 
Friuli · Lingua friulana · Canzoni